អាយស៊ីអ៊ីអេស(ខេមបូឌា)រៀបចំកម្មវិធីផ្លាស់ប្តូរការសិក្សាថា្នក់វិទ្យាល័យក្នុងឆ្នាំ២០២០
ហ្គូយ ជីហុក ជាសិស្សផ្លាស់ប្តូរការសិក្សាដំបូងបង្អស់របស់អាយស៊ីអ៊ីអេស (ខេមបូឌា) ដែលមានឱកាសទៅសិក្សានៅសហរដ្ឋអាមេរិកតាមក្តីស្រមៃរបស់គាត់។ កាលពីខែកញ្ញាឆ្នាំ២០២០ ជីហុកបានធ្វើដំណើរទៅកាន់ទឹកដីសហរដ្ឋអាមេរិក ក្នុងតំបន់ Oklahoma។ បច្ចុប្បន្ន ជីហុក កំពុងរស់នៅជាមួយគ្រួសាររបស់លោក Evan ក្នុងតំបន់ Edmon Oklahoma ហើយកំពុងរៀនថ្នាក់ទី១១ នៅវិទ្យាល័យ Deer Creek ជាមួយបងប្អូនបង្កើតគ្រួសារចិញ្ចឹមរបស់គាត់ និងសិស្សម្នាក់ទៀតដែលមកពីប្រទេសអេស្ប៉ាញ។
លោក John J. Crist បានបង្កើតសេវាកម្មផ្លាស់ប្តូរវប្បធម៌អន្តរជាតិ (ICES) ក្នុងឆ្នាំ១៩៩១ ក្នុងគោលបំណងឱ្យសិស្សានុសិស្សគ្រប់សញ្ជាតិទាំងអស់មានឱកាសស្វែងយល់សិក្សាអំពីវប្បធម៌ថ្មីតាមក្តីស្រមៃរបស់ពួកគេ។
អាយស៊ីអ៊ីអេស(ខេមបូឌា)ផ្តល់សេវាកម្មផ្លាស់ប្តូរការសិក្សាសិស្សានុសិស្សដែលមានអាយុចន្លោះពី១៥ ទៅ១៨ឆ្នាំ ហើយពួកគេអាចដាក់ពាក្យទៅសិក្សានៅសាលារដ្ឋ ឬសាលាឯកជននៅសហរដ្ឋអាមេរិក ចក្រភព អង់គ្លេស អូស្រាលី បារាំង ស្វីស ក៏ដូចជាប្រទេសជាច្រើនទៀត ហើយសិស្សានុសិស្សអាចរស់នៅជាមួយគ្រួសារចិញ្ចឹមរយៈពេលពេញមួយឆ្នាំ។
ក្នុងពិធីចុះអនុស្សរណៈយោគយល់រវាង អាយស៊ីអ៊ីអេស ប្រទេសថៃ និងអាយស៊ីអ៊ីអេស (ខេមបូឌា) កាលពីខែវិច្ឆិកា ឆ្នាំ២០១៩កន្លងមកនេះ សិស្សានុសិស្សកម្ពុជាអាចស្វែងរកសេវាកម្មផ្លាស់ប្តូរការសិក្សាថ្នាក់វិទ្យាល័យបានហើយ។ កម្មវិធីផ្លាស់ប្តូរការសិក្សាថ្នាក់វិទ្យាល័យមានតម្លៃសមរម្យ។ កម្មវិធីផ្លាស់ប្តូរការសិក្សាដែលប្រើប្រាស់ទិដ្ឋការមានឈ្មោះថា J1 គឺជាជម្រើសមួយដ៏ប្រសើរសម្រាប់សិស្សានុសិស្សអន្តរជាតិដែលមានបំណងចូលរៀនថ្នាក់វិទ្យាល័យនៅប្រទេសដែលពួកគេជ្រើសរើស។ តាមរយៈកម្មវិធីផ្លាស់ប្តូរការសិក្សាសិស្សានុសិស្សមិនបង់ថ្លៃសិក្សាទេនៅពេលដែលពួកគេចូលរៀនសាលារដ្ឋ ហើយក៏មិនតម្រូវឱ្យពួកគេបង់ថ្លៃស្នាក់នៅជូនគ្រួសារចិញ្ចឹមដែរ។
តាមការប្រៀបធៀប ចំពោះសិស្សដែលប្រើប្រាស់ទិដ្ឋការសិក្សាធម្មតាគ្រួសារចិញ្ចឹម ឬអ្នកអាណាព្យាបាលតម្រូវឱ្យបង់ថ្លៃ ហើយសិស្សានុសិស្សបង់តម្លៃសិក្សាមិនថាសិក្សានៅសាលារដ្ឋឬសាលាឯកជននោះទេ។ តម្លៃសិក្សារបស់សាលាឯកជននៅសហរដ្ឋអាមេរិកមានតម្លៃចាប់ពី $៨,០០០ ទៅ $១៥,០០០ ដែលមិនរាប់បញ្ចូលការស្នាក់នៅនោះទេ។
កម្មវិធីផ្លាស់ប្តូរការសិក្សាថ្នាក់វិទ្យាល័យមានតម្លៃខុសគ្នាទៅតាមប្រទេសនីមួយៗ ប៉ុន្តែតម្លៃសិក្សាជាមធ្យមគឺចន្លោះពី$១១,០០០ ទៅ $២៥,០០០ ក្នុងមួយឆ្នាំ។ តម្លៃសិក្សាខាងលើរាប់បញ្ជូលទាំងការធានារ៉ាប់រងសុខភាពកំលុងពេលផ្លាស់ប្តូរការសិក្សារយៈពេល១០ខែ ការស្នើសុំទិដ្ឋា្កការការតាមដានការវិវឌ្ឍរបស់សិស្សានុសិស្ស ការរៀបចំប្រឡងតេស្តភាសាអង់គ្លេស ការសម្ភាស និងការតម្រង់ទិសផ្សេងៗមុនពេលចេញដំណើរ។
សិស្សានុសិស្សត្រូវស្នាក់នៅជាមួយគ្រួសារចិញ្ចឹមនិងក្លាយជាសមាជិកក្នុងគ្រួសារនោះ។ សិស្សានុសិស្សនៃកម្មវិធីផ្លាស់ប្តូរការសិក្សាថ្នាក់វិទ្យាល័យរបស់យើងនឹងស្នាក់នៅជាមួយគ្រួសារចិញ្ចឹម ហើយសិក្សានៅថ្នាក់វិទ្យាល័យតែមួយដែលកូនបង្កើតនៃគ្រួសារចិញ្ចឹមនោះកំពុងឬនឹងត្រូវសិក្សានោះដែរ។ គ្រួសារចិញ្ចឹមមិនត្រឹមតែផ្តល់កន្លែងស្នាក់នៅដល់សិស្សានុសិស្សរបស់យើងប៉ុណ្ណោះទេ ពួកគេក៏ផ្គត់ផ្គង់មធ្យោបាយធ្វើដំណើរទាំងទៅសាលានិងត្រឡប់មកផ្ទះវិញ ក៏ដូចជាមធ្យោបាយផ្សេងៗនៅពេលមានកម្មវិធីនៅសាលាផងដែរ។ ពិសេសជាងនេះទៅទៀត គ្រួសារចិញ្ចឹមនឹងផ្តល់ការយកចិត្តទុកដាក់ ផ្តល់ភាពកក់ក្តៅ និងផ្តល់ការស្រឡាញ់ដល់សិស្សានុសិស្សរបស់យើងផងដែរ។ គ្រួសារចិញ្ចឹមនឹងត្រូវជ្រើសរើសយ៉ាងល្អិតល្អន់បំផុតទៅតាមដំណាក់កាលរួមមានការពិនិត្យលើទម្រង់បែបបទស្នើសុំ ប្រវត្តិសមាជិកគ្រួសារទាំងអស់ដែលមានអាយុចាប់ពី១៨ឆ្នាំឡើងទៅ និងឆ្លងកាត់ការសម្ភាសជាមួយអ្នកសម្របសម្រួលកម្មវិធីផ្លាស់ប្តូរការសិក្សា។
«បន្ទាប់ពីបានស្នាក់នៅជាមួយគ្រួសារចិញ្ចឹមរបស់ខ្ញុំអស់រយៈពេល២សប្តាហ៍មកនេះ ខ្ញុំក៏បានក្លាយជាសមាជិកក្នុងគ្រួសារនេះ។ គ្រួសារចិញ្ចឹមរបស់ខ្ញុំមានសន្តានចិត្តល្អណាស់។ ប៉ាចិញ្ចឹមរបស់ខ្ញុំឈ្មោះ Jay គាត់តែងតែដំណាលប្រាប់ខ្ញុំពីការរស់នៅក្នុងរដ្ឋ Oklahoma ហើយគាត់ក៏បានផ្តល់ដំបូន្មានជាច្រើនមកខ្ញុំ» នេះជាសម្តីយុវជន ជីហុក ដែលកំពុងស្នាក់នៅជាមួយគ្រសារចិញ្ចឹមអស់រយៈពេល៣សប្តាហ៍មកហើយ។ ជីហុកបន្តថា «ខ្ញុំបានត្រៀមខ្លួនទទួលយកបទពិសោធថ្មីៗ និងគួរឱ្យចាប់អារម្មណ៍ជាច្រើនទៀតនៅលើទឹកដីសហរដ្ឋអាមេរិកនេះ។»
អ្នកស្រី Eun Lee ជាមន្ត្រីទំនាក់ទំនងអន្តរជាតិជាន់ខ្ពស់ដែលទទួលបន្ទុកលើកម្មវិធីផ្លាស់ប្តូរការសិក្សាថ្នាក់វិទ្យាល័យរបស់ អាយស៊ីអ៊ីអេស (ខេមបូឌា) ក៏ធ្លាប់ចូលរួមកម្មវិធីនេះដែរ។ អ្នកស្រីបានស្នាក់នៅជាមួយគ្រួសារលោក Reed ក្នុងឆ្នាំ២០០៣ នៅ Virginia Beach ក្នុងរដ្ឋ Virginia, សហរដ្ឋអាមេរិក ហើយនោះជាបទពិសោធល្អៗដែលអ្នកស្រីមិនអាចបំភ្លេចបាន។«ខ្ញុំបានសិក្សាស្វែងយល់ពីខ្លួនឯង និងការគោរពអ្នកដទៃក្នុងរយៈពេលស្នាក់នៅជាមួយគ្រួសារចិញ្ចឹមរបស់ខ្ញុំ។ ពួកគាត់ចាត់ទុកខ្ញុំដូចជាកូនស្រីបង្កើតម្នាក់ និងគាំទ្រខ្ញុំគ្រប់កាលៈទេសៈរហូតខ្ញុំក្លាយជាមនុស្សម្នាក់ដែលមានភាពម្ចាស់ការ និងជឿជាក់លើខ្លួនឯង។» អ្នកស្រី Eun Lee បានបន្ថែមទៀតថា «ប្រសិនបើប្អូនៗមានបំណងពង្រីកផ្នត់គំនិត និងទទួលបទពិសោធក្នុងការរស់នៅ និងសិក្សាស្វែងយល់ពីវប្បធម៌របស់ប្រទេសដទៃ ឬប្រសិនបើលោកលោកស្រីដែលមានបំណងឱ្យបុត្រធីតាមានភាពម្ចាស់ការ និងត្រៀមខ្លួនសម្រាប់ការប្រលូកក្នុងវិស័យការងារផ្សេងៗ កម្មវិធីផ្លាស់ប្តូរការសិក្សាថ្នាក់វិទ្យាល័យ គឺជាជម្រើស និងឱកាសដ៏ល្អសម្រាប់ពួកគេ។»
អាយស៊ីអ៊ីអេស(ខេមបូឌា)ចាប់ផ្តើមជ្រើសរើសសិស្សវិទ្យាល័យដែលមានបំណងចូលរួមកម្មវិធីផ្លាស់ប្តូរការសិក្សាថ្នាក់វិទ្យាល័យសម្រាប់ឆ្នាំសិក្សា២០២១ – ២០២២ នៅសហរដ្ឋអាមេរិក ចក្រភពអង់គ្លេស ញ៉ូវហ្សេឡេន។ សម្រាប់ព័ត៌មានលម្អិតសូមទំនាក់ទំនងមកកាន់យើងខ្ញុំតាមរយៈ៖ លេខទូរសព្ទ ០៧៧ ៧៧៧ ២៤៤ (ភាសាខ្មែរ) ០៧៧ ៨១១ ៧៧៧ (ភាសាអង់គ្លេស) https://www.facebook.com/ICES.GLOBAL/ គេហទំព័រ www.icescambodia.com
