សិស្សផ្លាស់ប្តូរការសិក្សានៅ ICES Cambodia ចែករំលែកពីរសប្តាហ៍ដំបូងនៅសាលាសហរដ្ឋអាមេរិក
អស់រយៈពេលជាងពីរសប្តាហ៍ហើយ ដែលសិស្សជំនាន់ទី២ នៃកម្មវិធីផ្លាស់ប្តូរការសិក្សាថ្នាក់វិទ្យាល័យតាមរយៈ ICES Cambodia បាននិយាយលាក្រុមគ្រួសាររបស់ពួកគេ ដើម្បីបន្តដំណើរផ្សងព្រេងដ៏គួរឱ្យរភើបនៅសហរដ្ឋអាមេរិក ហើយដូចសិស្សផ្លាស់ប្តូរការសិក្សាភាគច្រើនដែរ នៅទីនោះពួកគេបានកត់សម្គាល់រួចហើយចំពោះភាពខុសប្លែកគ្នារវាងសាលានៅសហរដ្ឋអាមេរិក និងសាលារៀននៅកម្ពុជា ។
ចេញមកពីសាលាស៊ីសុវត្ថិជំនាន់ថ្មីនៅភ្នំពេញ យុវតី សាំងa សុណាឡែន បាននិយាយថា នាងមានអារម្មណ៍ខុសប្លែកជាខ្លាំងនៅពេលនាងចូលរៀនថ្នាក់ដំបូងនៃវិទ្យាល័យសាន់តាហ្វេ (Santa Fe High School) ដែលជាសាលារដ្ឋមួយ មានទីតាំងនៅអេដម៉ុន រដ្ឋអូក្លាហូម៉ា ដែលត្រូវបានទទួលស្គាល់ថាជា Blue Ribbon School of Excellence ដោយអង្គការ ឆ្នាំសិក្សា ២០១១-២០១២ ។
សុណាឡែនបាននិយាយថា៖ «នៅកម្ពុជា សិស្សមានថ្នាក់រៀនដែលមានគ្រូបន្ទុកថ្នាក់ ដូច្នេះពួកគេរាប់អាននិងលេងជាមួយមិត្តរួមថ្នាក់តែមួយ ហើយពួកគេត្រូវរៀនតាមកម្មវិធីសិក្សាកំណត់ដោយសាលា ។
ប៉ុន្តែនៅទីនេះ សិស្សអាចជ្រើសរើសមុខវិជ្ជារបស់ខ្លួនឯង ហើយយើងអាចផ្លាស់ប្តូរបាន មានន័យថាយើងអាចដូរមុខវិជ្ជាប្រសិនបើយើងមិនចូលចិត្ត ហើយរៀននៅថ្នាក់ផ្សេងគ្នាតាមមុខវិជ្ជាមានន័យថា យើងក៏មានមិត្តរួមថ្នាក់ខុសៗគ្នាដែរ» ។
សុណាឡែនក៏ភ្ញាក់ផ្អើលផងដែរ ចំពោះកម្រិតនៃភាពបើកចំហយុវជនអាមេរិកាំង ជាពិសេសនៅពេលពួកគេនិយាយចេញពីចិត្តរបស់ពួកគេ ។
នាងបានបន្ថែមថា៖ «នៅកម្ពុជា សិស្សមិនសូវបើកចំហរនិយាយអ្វីចេញពីចិត្តទេ ។
ផ្ទុយទៅវិញ សិស្សនៅទីនេះមានការបើកចំហចិត្ត » ។ យុវតីរូបនេះបន្តទៀតថា៖«បច្ចេកវិទ្យាគឺជាភាពខុសគ្នាធំមួយទៀត ។ ឧទាហរណ៍ នៅវិទ្យាល័យមួយនៃប្រទេសកម្ពុជា ភាគច្រើនការងារសាលាត្រូវធ្វើដាក់ក្រដាស ប៉ុន្តែនៅអាមេរិកវា សិស្សអាចសរសេរនៅលើ Chromebook ក៏បាន ឬក្រដាសក៏បាន» ។
នៅរដ្ឋអូក្លាហូម៉ាផងដែរ យុវតី អៀ ជាលាង ជាសិស្សផ្លាស់ប្តូរការសិក្សាម្នាក់ទៀត ដែលមកពី ICES Cambodia កំពុងសម្របជីវិតថ្មីរបស់នាងក្នុងនាមជាសិស្សនៅវិទ្យាល័យ Mustang ដែលជាសាលា 6A ដែលល្បីល្បាញដោយសារកម្មវិធីកីឡាផ្សេងៗ ក៏ដូចជាក្រុមតន្រ្តីដើរក្បួន ដែលមានការប្រកួតប្រជែងថ្នាក់ជាតិ ។
ដូច សុណាឡែនដែរ ជាលាង រីករាយចំពោះកម្រិតនៃភាពបើកសេរីនៅក្នុងការសិក្សានៅវិទ្យាល័យអាមេរិក ក៏ដូចជាការខិតខំប្រឹងប្រែងរបស់សាលាក្នុងការជំរុញសិស្សឱ្យស្វែងយល់ពីការរៀនសូត្រផ្ទាល់ខ្លួនតាមរយៈការសិក្សាស្រាវជ្រាវ ។
នាងបាននិយាយថា៖ «នៅវិទ្យាល័យអាមេរិក គ្រូបង្រៀនលើកទឹកចិត្តសិស្សឱ្យធ្វើការស្រាវជ្រាវបន្ថែម និងចែករំលែកគំនិតផ្ទាល់ខ្លួន ខណៈពេលដែលពួកគេដើរតួជាអ្នកដឹកនាំការសិក្សារបស់សិស្ស ។ សិស្សវិទ្យាល័យអាមេរិកជ្រើសរើសមុខវិជ្ជាផ្ទាល់ខ្លួន ដោយផ្អែកលើចំណាប់អារម្មណ៍ និងទេពកោសល្យរបស់ពួកគេ» ។
ទាំងសុណាឡែន និងជាលាង នៅមានឆ្នាំសិក្សាពេញមួយឆ្នាំនៅអាមេរិក ដើម្បីស្វែងយល់អំពីវប្បធម៌ និងស្គាល់មនុស្សថ្មីៗ ក៏ដូចជាចែករំលែកអត្តសញ្ញាណផ្ទាល់ខ្លួនរបស់ពួកគេ ជាមួយគ្រួសារចិញ្ចឹម និងមិត្តភក្តិថ្មីជាច្រើនទៀត ។
ជាលាងបាននិយាយថា៖ «ខ្ញុំប្តេជ្ញាចែករំលែកបទពិសោធទាំងនោះជាមួយមិត្តភក្តិរបស់ខ្ញុំ ហើយប្រើវាដើម្បីអភិវឌ្ឍខ្លួនឯង បន្ទាប់ពីកម្មវិធីផ្លាស់ប្តូរការសិក្សាត្រូវបានបញ្ចប់» ។
ចំណែក សុណាឡែនបានបន្ថែមថា៖ «កម្មវិធីផ្លាស់ប្តូរការសិក្សានេះ បាននាំឱ្យខ្ញុំស្គាល់ពិភពខាងក្រៅពិត និងអនុញ្ញាតឱ្យខ្ញុំទទួលបានបទពិសោធមានប្រយោជន៍ជាច្រើន ជាពិសេសតាមរយៈការចំណាយពេលជាមួយគ្រួសារនិងមិត្តភក្តិថ្មីរបស់ខ្ញុំ» ។
ទន្ទឹមនឹងនេះ យុវតី ចំរើន អមរា ជាសិស្សផ្លាស់ប្តូរការសិក្សាតាមរយៈ ICES មកពីកម្ពុជាម្នាក់ទៀតដែលកំពុងតែសិក្សានៅវិទ្យាល័យ Foyil High School Claremore នៅរដ្ឋអូក្លាហូម៉ា បានឱ្យដឹងថា មុនពេលដែលនាងបានឡើងយន្តហោះមកសហរដ្ឋអាមេរិក នាងមានការបារម្ភខ្លាចគេធ្វើបាប និងមិនមានមិត្តច្រើន ។ ក៏ប៉ុន្តែ បន្ទាប់ពីមកដល់ទីនេះមិនយូរប៉ុន្មាន នាងបានរាប់អានមនុស្សជាច្រើនធ្វើជាមិត្តរួចមកហើយ ។
អមរាលើកឡើងថា៖ «សាលារបស់ខ្ញុំក៏មានសិស្សផ្លាស់ប្តូរការសិក្សាតាមរយៈ ICES ផ្សេងទៀតមកពីប្រទេសដទៃដូចជាអេស្ប៉ាញ និងអ៊ីតាលី ហើយខ្ញុំបានក្លាយជាមិត្តល្អជាមួយពួកគេរួចទៅហើយ»។
នាងបន្តថា៖ « ខ្ញុំសប្បាយចិត្តដែលខ្ញុំអាចរៀនអំពីវប្បធម៌ផ្សេងៗពេលកំពុងរស់នៅអាមេរិក។ យើងក៏ទៅព្រះវិហារជាមួយគ្នានៅចុងសប្តាហ៍ ហើយខ្ញុំរីករាយជាមួយវាខ្លាំងណាស់» ៕
ពេលនេះដល់វេនអ្នកហើយ ក្នុងការដើរតាមក្មេងស្រីក្លាហានទាំងនេះ ហើយចាប់ផ្តើមដំណើរដ៏គួរឱ្យរំភើបទៅបរទេស! ដើម្បីមានសិទ្ធិចូលរួម អ្នកត្រូវតែឆ្លងកាត់តេស្តជំនាញភាសាអង់គ្លេសដែលផ្តល់ដោយ ICES Cambodia និងមានកំណត់ត្រាសិក្សាល្អ (មធ្យមភាគ «C» លើមុខវិជ្ជាសំខាន់ៗក្នុងរយៈពេល ៣ ឆ្នាំចុងក្រោយ) ។ ចុះឈ្មោះឥឡូវនេះដើម្បីធ្វើតេស្តភាសាអង់គ្លេស៖ https://forms.gle/3qifKLu79f4hx5uB7 https://forms.gle/3qifKLu79f4hx5uB7 .
ដើម្បីទទួលបានព័ត៌មានបន្ថែមអំពីដំណើរការនៃការចូលរួមក្នុងកម្មវិធីផ្លាស់ប្តូរការសិក្សាថ្នាក់វិទ្យាល័យជាមួយICESCambodiaក៏ដូចជាតម្លៃរបស់កម្មវិធីក៏ដូចជាដំណើរការដាក់ពាក្យសុំសូមទាក់ទងមកកាន់លេខទូរសព្ទ០៧៧៧៧៧២៤៤ឬ០៩៨៦៨៦៩០១៕