ICES Cambodia’s Exchange Student Rathreacheany Speaks on American Experience
អាយស៊ីអ៊ីអេស (ខេមបូឌា) ៖ អស់រយៈពេល៦ខែហើយចាប់តាំងពីប្អូនបានចាកចេញពីប្រទេសកម្ពុជា។ តើប្អូនអាចពណ៌នាអំពីឆ្នាំផ្លាស់ប្តូរការសិក្សា និងបទពិសោធរបស់ប្អូនមកទល់ពេលនេះបានដែរ ឬទេ?
រ័ត្នរាជនី៖ សម្រាប់ខ្ញុំ បទពិសោធផ្លាស់ប្តូរការសិក្សានៅសហរដ្ឋអាមេរិកគឺពិតជាអស្ចារ្យណាស់។ ការចំណាយពេលវេលា និងថវិកាដើម្បីចូលរួមក្នុងកម្មវិធីនេះ គឺមិនធ្វើឱ្យខ្ញុំខកបំណងទេ។ ខ្ញុំបានឃើញអ្វីៗគ្រប់យ៉ាង និងរឿងជាច្រើនដែលខ្ញុំមិនធ្លាប់ឃើញពីមុនមក ហើយខ្ញុំមិនមានការសោកស្ដាយដែលចូលខ្លួនជាសិស្សផ្លាស់ប្តូរការសិក្សានេះឡើយ។
អាយស៊ីអ៊ីអេស (ខេមបូឌា)៖ រហូតមកដល់ពេលនេះ តើអនុស្សាវរីយ៍អ្វីខ្លះដែលប្អូនពេញចិត្តក្នុងការរស់នៅ និងសិក្សានៅសហរដ្ឋអាមេរិក?
រ័ត្នរាជនី៖ ការចងចាំដែលខ្ញុំចូលចិត្តបំផុតនោះគឺ នៅពេលដែលខ្ញុំទៅកម្សាន្តនៅ The Wizarding World of Harry Potter ក្នុង Universal Studios រដ្ឋ Orlando កាលពីថ្ងៃបុណ្យណូអែល និងថ្ងៃចូលឆ្នាំសកល។ ដំណើរកម្សាន្តនេះធ្វើឱ្យខ្ញុំសប្បាយរីករាយជាខ្លាំង ហើយខ្ញុំស្មានតែខ្លួនឯងកំពុងតែយល់សប្តិទៀតផង។
ICES Cambodia: What about the exchange program do you like the most?
រ័ត្នរាជនី៖ អ្វីដែលខ្ញុំពេញចិត្តបំផុតក្នុងកម្មវិធី គឺការទទួលបានបទពិសោធពីជីវិតវ័យក្មេងក្នុងសហរដ្ឋអាមេរិក។ ខ្ញុំត្រូវរស់នៅជាមួយគ្រួសារចិញ្ចឹមជាជនជាតិអាមេរិក រាប់អានមិត្តភក្តិដែលជាមួយមនុស្សនិយាយភាសាខុសៗគ្នា និងបានឃើញព្រិលទឹកកកជាលើកដំបូងក្នុងជីវិតរបស់ខ្ញុំផងដែរ។
អាយស៊ីអ៊ីអេស (ខេមបូឌា)៖ តើអ្វីដែលជាបញ្ហាប្រឈមដ៏លំបាកបំផុតដែលប្អូនបានជួបប្រទះក្នុងអំឡុងពេលរស់នៅសហរដ្ឋអាមេរិក? ហើយតើប្អូនបានយកឈ្នះវាដោយរបៀបណា?
រ័ត្នរាជនី៖ សម្រាប់ខ្ញុំ ការរាប់អានមិត្តភក្តិជារឿងលំបាកមួយ។ ដំបូងឡើយ ខ្ញុំអៀនព្រោះខ្ញុំមិនស្គាល់នរណាម្នាក់ ហើយខ្ញុំមានអារម្មណ៍ថាខ្លួនឯងខុសប្លែកពីគេ។ ក្រោយមក ខ្ញុំក៏ដឹងថាប្រជាជនអាមេរិកពិតជារួសរាយរាក់ទាក់ និងស្វាគមន៍ខ្លាំងណាស់ ដូច្នេះហើយខ្ញុំចាប់ផ្តើមរាប់អានមិត្តភក្តិជាច្រើនលើសពីអ្វីដែលខ្ញុំគិតទៅទៀត។
អាយស៊ីអ៊ីអេស (ខេមបូឌា)៖ តើប្អូននឹកអ្វីជាងគេអំពីប្រទេសកំណើតរបស់ប្អូន? ហើយពេលដែលប្អូននឹកផ្ទះ តើប្អូនធ្វើយ៉ាងដូចម្ដេច? សូណាឡែន៖
រ័ត្នរាជនី៖ អ្វីដែលធ្វើឱ្យខ្ញុំនឹកផ្ទះបំផុត ប្រហែលជាម្ហូបខ្មែរ និងអាហារសម្រន់ខ្មែរ ព្រោះថាម្ហូប និងរបបអាហារនៅទីនេះខុសពីប្រទេសកម្ពុជាខ្លាំងណាស់។ ប៉ុន្តែខ្ញុំពិតជាសំណាងដែលមានគ្រួសារចិញ្ចឹមដ៏អស្ចារ្យ ពួកគាត់នាំខ្ញុំទៅផ្សារទំនើបអាស៊ីក្នុងតំបន់យ៉ាងហោចណាស់ពីរដងក្នុងមួយខែដើម្បីញុំាអាហារទាំងនោះដូចដែលខ្ញុំញ៉ាំនៅផ្ទះខ្ញុំដែរ។ វាក៏ជាឱកាសដ៏ល្អសម្រាប់ខ្ញុំក្នុងការណែនាំពួកគាត់អំពីអ្វីដែលខ្ញុំចូលចិត្តញ៉ាំ រួមជាមួយនឹងអ្វីដែលប្រជាជនកម្ពុជាផ្សេងទៀតចូលចិត្តញ៉ាំដែរ។
អាយស៊ីអ៊ីអេស (ខេមបូឌា)៖ តើប្អូនប្រៀបធៀបជីវិតរបស់ប្អូននៅសហរដ្ឋអាមេរិកពេលនេះជាមួយនឹងជីវិតរបស់ប្អូននៅកម្ពុជាយ៉ាងដូចម្ដេចដែរ?
រ័ត្នរាជនី៖ ចំពោះខ្ញុំផ្ទាល់ ខ្ញុំមានសេរីភាពនៅទីនេះច្រើនជាងនៅប្រទេសកម្ពុជា។ ខ្ញុំចេញទៅក្រៅជាមួយមិត្តភក្តិ ដើរលេងជាមួយពួកគេក្រោយរៀនចប់ម៉ោង។ ហើយខ្ញុំក៏បានធ្វើដំណើរទៅរដ្ឋផ្សេងៗ និងស្វែងយល់បានកាន់តែច្រើន ម្យ៉ាងទៀត ខ្ញុំកាន់តែមានភាពឯករាជ្យ និងមានទំនុកចិត្តលើខ្លួនឯង។
អាយស៊ីអ៊ីអេស (ខេមបូឌា)៖ តើប្អូនមានមតិយោបល់ ឬការណែនាំអ្វីសម្រាប់សិស្សផ្លាស់ប្តូរការសិក្សារបស់អាយស៊ីអ៊ីអេស (ខេមបូឌា) ជំនាន់ក្រោយដែរ ឬទេ?
រ័ត្នរាជនី៖ សូមឱ្យមានសំណាងល្អសម្រាប់អ្នកទាំងអស់គ្នាណា! គួរចងចាំថា ត្រូវមានភាពសប្បាយរីករាយ និងភាពឆ្លាតវៃ។ នេះជាបទពិសោធមួយក្នុងមួយជីវិត ដូច្នេះសូមប្រឹងប្រែងឱ្យអស់ពីសមត្ថភាព បើមិនដូច្នេះទេអ្នកនឹងស្តាយក្រោយ។
អ្នកមិនអាចជួបឱកាសល្អបែបនេះជារៀងរាល់ថ្ងៃទេ ដូច្នេះបើអ្នកមានឱកាសហើយ ចូរចាប់យកឱកាសនោះឱ្យបាន។ ខំប្រឹងឱ្យអស់ពីសមត្ថភាព ឬអ្នកនឹងចំណាយពេលពេញមួយជីវិតដោយគ្រាន់តែឆ្ងល់ថា តើវាមានលក្ខណៈបែបណា។ តែប្រសិនបើអ្នកចាប់យកឱកាសនេះ ដើម្បីទទួលបទពិសោធនៃការសិក្សានៅប្រទេសថ្មីមួយទៀត ជាមួយវប្បធម៌ថ្មីមួយទៀត ដំណើរនោះនឹងមានភាពរំភើពសប្បាយរីករាយ និងជាការផ្សងព្រេងដ៏អស្ចារ្យមួយ។
ឆ្នាំផ្លាស់ប្តូរការសិក្សារបស់ យុវសិស្ស រ័ត្នរាជនី នឹងបញ្ចប់ក្នុងរយៈពេលតិចជាងប្រាំមួយខែ ប៉ុន្តែបទពិសោធ ក៏ដូចជាចំណេះដឹងដែលនាងទទួលបាន នឹងនៅជាមួយនាងជារៀងរហូត។ ហើយអ្នកក៏អាចក្លាយជាអ្នកបន្ទាប់ផងដែរ! កុំរង់ចាំដល់ថ្នាក់មហាវិទ្យាល័យទើបសម្រេចចិត្តទៅសិក្សានៅក្រៅប្រទេស។ អាយស៊ីអ៊ីអេស (ខេមបូឌា) នៅទីនេះដើម្បីបង្ហាញផ្លូវដល់អ្នក។
សម្រាប់ព័ត៌មានបន្ថែមអំពីរបៀបដែលអ្នកអាចចូលរួមក្នុងកម្មវិធីផ្លាស់ប្តូរការសិក្សាថ្នាក់វិទ្យាល័យជាមួយអាយស៊ីអ៊ីអេស (ខេមបូឌា) ព្រមទាំងតម្លៃសិក្សា និងដំណើរការដាក់ពាក្យសូមទាក់ទងមកកាន់លេខទូរស័ព្ទ៖ ០៩៨ ៦៨៦ ៩០១ ឬ០៦១ ៩២៤ ១៤១។ ដើម្បីចូលរួមចុះឈ្មោះបាន អ្នកត្រូវតែឆ្លងកាត់ តេស្តជំនាញភាសាអង់គ្លេសដែលផ្តល់ដោយអាយស៊ីអ៊ីអេស (ខេមបូឌា) និងមានកំណត់ត្រាសិក្សាល្អ (មធ្យមភាគនិទេ្ទស «C» លើមុខវិជ្ជាសំខាន់ៗក្នុងរយៈពេល៣ ឆ្នាំចុងក្រោយ)។ ចុះឈ្មោះឥឡូវនេះ ដើម្បីធ្វើតេស្តភាសាអង់គ្លេស៖ https://forms.gle/3qifKLu79f4hx5uB7
