ការបញ្ជូនកូនៗទៅសិក្សានៅក្រៅប្រទេស អាចស្តាប់ទៅដូចជាដំណើរគួរឱ្យភ័យខ្លាចសម្រាប់អ្នកអាណាព្យាបាលមួយចំនួន ក៏ប៉ុន្តែ តាមពិតទៅអ្នកនឹងទទួលបានអត្ថប្រយោជន៍ល្អៗជាច្រើន។ ជាការពិតណាស់ ការសិក្សានៅក្រៅប្រទេស អាចផ្តល់ឱ្យអ្នកនូវរបៀបរស់នៅថ្មីៗ រួមទាំងដំណើរផ្សងព្រេងជាច្រើន។ មិនតែប៉ុណ្ណោះ វានឹងនាំអ្នកទៅរកបទពិសោធទៅតាមផ្នែកផ្សេងៗ ដែលមានដូចជាផ្នែកវប្បធម៌ និងភាសា។ ទោះបីជាយ៉ាងនេះក្តី ហេតុអ្វីបានជាសិស្សានុសិស្សគួរជ្រើសរើសទៅសិក្សានៅក្រៅប្រទេសក្នុងថ្នាក់វិទ្យាល័យ? 

កម្មវិធីសិក្សាថ្នាក់វិទ្យាល័យនៅក្រៅប្រទេស គឺជាឱកាសដ៏អស្ចារ្យបំផុតមួយ ដើម្បីស្វែងយល់ពីពិភពលោកខាងក្រៅ និងទទួលបាននូវបទពិសោធប្លែកភ្នែកជាច្រើន។ តាមរយៈការធ្វើដំណើរទៅកាន់ប្រទេសថ្មីមួយទៀត អ្នកអាចរៀនពីរបៀបរស់នៅផ្សេងៗគ្នា ទស្សនាកន្លែងដ៏អស្ចារ្យ និងជួបមនុស្សថ្មីៗ។ លើសពីនេះទៅទៀត ក្នុងវ័យសិក្សាថ្នាក់វិទ្យាល័យ អ្នកនឹងអាចវិឌ្ឍន៍ខ្លួនឯងឱ្យកាន់តែប្រសើរឡើង ដោយមានឯករាជ្យភាព និងទំនុកចិត្តលើខ្លួនឯង។

ដោយសារតែអ្នកត្រូវរស់នៅដោយខ្លួនឯង អ្នកនឹងមានសេរីភាពជាងមុនក្នុងការស្វែងរកសកម្មភាពនានាដែលគួរឱ្យចាប់អារម្មណ៍ ទៅតាមចំណង់ចំណូលចិត្តរបស់អ្នក។ ប្រាកដណាស់ ការសិក្សានៅក្រៅប្រទេសផ្តល់ឱ្យអ្នកនូវលទ្ធភាពមួយ ដើម្បីស្វែងយល់អំពីខ្លួនឯងថា អ្នកជានរណា ឬអ្នកចង់ក្លាយជាអ្វីនាថ្ងៃអនាគត។ ម្យ៉ាងវិញទៀតវាជាឱកាសដ៏ល្អមួយសម្រាប់អ្នកក្នុងការបង្កើតមិត្តមកពីប្រទេសផ្សេងៗ ឬបង្កើតមិត្តភាពអន្តរជាតិពេញមួយជីវិតផងដែរ។ 

ទន្ទឹមនឹងនោះ ប្រសិនបើអ្នកជ្រើសរើសទៅសិក្សានៅក្រៅប្រទេស នោះមានន័យថាអ្នកចាកចេញពីផ្ទះរបស់អ្នក ដើម្បីធ្វើដំណើរទៅកាន់កន្លែងផ្សេងដែលមានទស្សនៈវប្បធម៌ប្លែកៗ និងគួរឱ្យចាប់អារម្មណ៍។ ជាការពិតណាស់ អ្នកនឹងអាចភ្លក់រសជាតិអាហារប្លែកៗ ទទួលបាននូវទស្សនវិស័យ ប្រពៃណី ក៏ដូចជាបរិយាកាសសង្គមមួយដែលខុសគ្នាពីកន្លែងដែលអ្នកធ្លាប់រស់នៅ។ នៅពេលអ្នកឈានជើងចូលប្រទេសមួយទៀត អ្នកប្រាកដជាមានអារម្មណ៍ថាដូចជាបោះជំហានទៅក្នុងបរិយាកាសនៃការប្រើប្រាស់ភាសាថ្មីមួយ ហើយនោះជាឱកាសដើម្បីអនុវត្តការនិយាយរបស់អ្នកជារៀងរាល់ថ្ងៃ និងប្រែក្លាយខ្លួនឯងទៅជាអ្នកជំនាញផ្នែកភាសា។

ពេលនេះ ឱកាសស្ថិតនៅក្នុងដៃរបស់អ្នកហើយ។ នៅពេលដែលអ្នកបញ្ចប់កម្មវិធីសិក្សាថ្នាក់វិទ្យាល័យ អ្នកនឹងនាំយកមកវិញជាមួយនឹងទស្សនៈថ្មីៗអំពីវប្បធម៌ ជំនាញភាសា និងការអប់រំ។ ហើយទាំងអស់នេះ ដើរតួយ៉ាងសំខាន់ក្នុងការត្រួសត្រាយផ្លូវទៅកាន់អាជីពនាពេលអនាគតរបស់អ្នក។

ប្រសិនបើអ្នកជាអ្នកដំណើរដ៏សកម្ម និងជាអ្នកសិក្សាដ៏ពិតប្រាកដនោះ ហេតុអ្វីអ្នកមិនចាប់ឱកាសនេះឱ្យបានឆាប់រហ័ស? អ្នកមិនចាំបាច់រង់ចាំរហូតដល់សាកលវិទ្យាល័យ ដើម្បីទៅសិក្សានៅក្រៅប្រទេសនោះទេ។ អាយស៊ីអ៊ីអេស (ខេមបូឌា) នៅទីនេះ សម្រាប់បង្ហាញផ្លូវដល់អ្នក។ ចុះឈ្មោះចូលរួមកម្មវិធីផ្លាស់ប្តូរការសិក្សាជាមួយ អាយស៊ីអ៊ីអេស (ខេមបូឌា) ឥឡូវនេះ!

អាយស៊ីអ៊ីអេស (ខេមបូឌា) ចាប់ផ្តើមជ្រើសរើសសិស្សផ្លាស់ប្តូរការសិក្សាជំនាន់ទី៤ហើយក្នុងកម្មវិធីសិក្សាថ្នាក់វិទ្យាល័យនៅក្រៅប្រទេសសម្រាប់ឆ្នាំសិក្សា ២០២៣-២០២៤។ ​សម្រាប់​ព័ត៌មាន​បន្ថែម​អំពី​របៀប​ដែល​អ្នក​អាច​ចូលរួម​ក្នុង​កម្មវិធី​ផ្លាស់ប្តូរ​ការសិក្សា​ថ្នាក់​វិទ្យាល័យ​ជាមួយ​អាយ​ស៊ី​អ៊ី​អេ​ស​ (ខេ​ម​បូ​ឌា) ​ព្រមទាំង​តម្លៃ​សិក្សា​ ​និង​ដំណើរការ​ដាក់ពាក្យ​សូម​ទាក់ទង​មកកាន់​លេខទូរសព្ទ​៖​ ​០​៩​៨​ ​៦​៨​៦​ ​៩​០​១​ ​ឬ​០​៦​១​ ​៩​២​៤​ ​១​៤​១​។​ 

​ដើម្បី​ចូលរួម​ចុះឈ្មោះ​បាន​ ​អ្នក​ត្រូវតែ​ឆ្លងកាត់​ តេ​ស្ត​ជំនាញ​ភាសា​អង់គ្លេស​ដែល​ផ្តល់​ដោយ​អាយ​ស៊ី​អ៊ី​អេ​ស​ (ខេ​ម​បូ​ឌា) ​និង​មានកំណត់​ត្រា​សិក្សា​ល្អ​ (​មធ្យម​ភាគ​និទេ្ទ​ស​ ​«​C​»​ ​លើ​មុខវិជ្ជា​សំខាន់​ៗ​ក្នុងរយៈពេល​ ​៣​ឆ្នាំ​ចុងក្រោយ​)​។​ ​ចុះឈ្មោះ​ដើម្បី​ធ្វើ​តេ​ស្ត​ភាសា​អង់គ្លេស​៖ https://forms.gle/kssVi53beRzEQYmY6៕ https://forms.gle/kssVi53beRzEQYmY6.