អំពីយើង
អាយស៊ីអុីអេស ខេមបូឌា (សេវាកម្មផ្លាស់ប្តូរវប្បធម៌អន្តរជាតិ) បានធ្វើការយ៉ាងយកចិត្តទុកដាក់ ដើម្បីផ្តល់ឱ្យសិស្សានុសិស្សកម្ពុជាទទួលបានឱកាសទៅសិក្សាថ្នាក់វិទ្យាល័យនៅបរទេស។ យើងផ្តល់ជូននូវសេវាកម្មច្រកចេញចូលតែមួយដែលនឹងជួយអ្នកតាំងពីដើមរហូតដល់ចប់ដូចជា៖ ការដាក់ពាក្យសុំ និងការរៀបចំឯកសារ ការតម្រង់ទិសមុនពេលចេញដំណើរ ការកក់សំបុត្រ យន្តហោះ ការត្រួតពិនិត្យនៅទូទាំងកម្មវិធីរហូតដល់ត្រលប់មកវិញ។ យើងខិតខំជួយសិស្សានុសិស្សឱ្យមានឯករាជ្យកាន់តែច្រើន ទទួលយកបទពិសោធន៍វប្បធម៌ថ្មីៗ អភិវឌ្ឍជំនាញភាសាអង់គ្លេស និងបង្កើតមិត្តភាពយូរអង្វែង។
ដៃគូសហការ
នៅថ្ងៃពុធ ទី៦ ខែវិច្ឆិកា ឆ្នាំ២០១៩ នេះ ក្រុមហ៊ុន ម៉េងលី ជេ. គួច អេឌ្យូខេសិន (MJQE) បានចុះ អនុស្សារណៈយោគយល់ (MoU) ជាមួយនឹង សេវាកម្មផ្លាស់ប្តូរវប្បធម៌អន្តរជាតិ (ICES) ដើម្បីលើកកម្ពស់វិស័យអប់រំនៅប្រទេសកម្ពុជា ។ ការពង្រីកឱកាសក្នុងកម្មវិធីផ្លាស់ប្តូរការសិក្សានៅក្រៅប្រទេស នឹងផ្លាស់ប្តូរបទពិសោធន៍សិក្សារបស់សិស្សានុសិស្សកម្ពុជា។
សេវាកម្មផ្លាស់ប្តូរវប្បធម៌អន្តរជាតិ (ICES ) ត្រូវបានបង្កើតឡើងក្នុងឆ្នាំ១៩៩១ នៅក្នុងសហរដ្ឋអាមេរិក និងមានការទទួលស្គាល់លំដាប់អន្តរជាតិ ក្នុងការផ្លាស់ប្ដូរបទពិសោធន៏របស់សិស្សានុសិស្ស នៅលើសាកលលោក ដើម្បីជំរុញការយល់ដឹងវប្បធម៌អន្តរជាតិ ដល់គ្រួសារជុំវិញពិភពលោក ។
អតីតសិស្សរបស់អាយស៊ីអ៊ីអេស
ទទួលយកការជម្រុញទឹកចិត្តពីអតីតសិស្សរបស់អាយស៊ីអ៊ីអេសតាមរយៈបទពិសោធ និងសមិទ្ធិផលរបស់ពួកគាត់ដែលអាចផ្លាស់ប្ដូរពីរបៀបដែលយើងកំពុងតែរស់នៅ!
ជីហុក ហ្គូយ
សិស្សជំនាន់ទី១ (២០២០-២០២១)
"ចាប់តាំងពីចូលរួមក្នុងកម្មវិធីផ្លាស់ប្តូរការសិក្សាតាមរយៈអាយស៊ីអ៊ីអេសមក ខ្ញុំបានផ្លាស់ប្តូរយ៉ាងច្រើន ខ្ញុំបានបើកចិត្តទូលាយ ហើយរួសរាយជាងមុន។ ខ្ញុំពិតជាចង់ណែនាំអ្នកគ្រប់គ្នានៅថ្នាក់វិទ្យាល័យឱ្យចាប់យកឱកាសនេះ។ គ្មានអ្វីរីករាយជាងការទៅសិក្សានៅក្រៅប្រទេសនៅពេលដែលអ្នកនៅក្មេងនោះទេ។ "
សូណាឡែន សាំង
សិស្សជំនាន់ទី ២ (២០២១-២០២២)
“បទពិសោធរបស់ខ្ញុំកន្លងមកនេះ គឺមានភាពអស្ចារ្យណាស់។ ទាំងគ្រួសារចិញ្ចឹម និងសាលារៀនរបស់ខ្ញុំ។ អំឡុងពេលនៃកម្មវិធីសិក្សានេះ ខ្ញុំបានរៀនស្វែងយល់ជាច្រើនទាំងផ្នែកសិក្សាអប់រំ និងផ្នែកក្នុងសង្គមផងដែរ។ ពេលនេះខ្ញុំកាន់តែនិយាយច្រើន ហើយនិយាយច្រើន ពេលនេះខ្ញុំកាន់តែនិយាយច្រើនជាងមុន ហើយខ្ញុំមិនសូវខ្លាចក្នុងការបញ្ចេញយោបល់របស់ខ្ញុំទេ ខ្ញុំហ៊ាននិយាយអ្វីដែលមាននៅក្នុងចិត្តរបស់ខ្ញុំ។
អៀ ជាលាង
សិស្សជំនាន់ទី ២ (២០២១-២០២២)
““ដំបូងអ្នកប្រហែលជាភ័យខ្លាចនៅពេលចាកចេញពីផ្ទះទៅសិក្សានៅក្រៅប្រទេសលើកដំបូង។ ប៉ុន្តែនៅពេលដែលអ្នកទទួលបាននូវបទពិសោធនៃកម្មវិធីផ្លាស់ប្តូរការសិក្សា អ្នកនឹងក្រលេកមើលទៅអតីតកាល ហើយអរគុណខ្លួនឯងសម្រាប់ការសម្រេចចិត្តមួយនេះ។ កុំឱ្យឱកាសរបស់អ្នកបាត់បង់ទៅឱ្យសោះ ចាប់ផ្ដើមដោយការបោះជំហានទៅមុខ ការផ្សងព្រេងកំពុងរង់ចាំអ្នក»
ចំរើន អមរា
សិស្សជំនាន់ទី ២ (២០២១-២០២២)
“នេះជាបទពិសោធតែម្តងក្នុងមួយជីវិត ហើយខ្ញុំរីករាយណាស់ដែលខ្ញុំបានទទួលនូវបទពិសោធទាំងនេះ ក៏ដូចជាមិត្តភាពទាំងអស់ដែលខ្ញុំបានបង្កើត។ កម្មវិធីផ្លាស់ប្ដូរការសិក្សាមួយនេះពិតជាអស្ចារ្យណាស់ ដែលអ្នកមិនអាចនឹងទទួលបាននៅកន្លែងផ្សេងនោះទេ។ ចំរើន អមរា”
សំអាត រត្នរាជិនី
សិស្សជំនាន់ទី ២ (២០២១-២០២២)
"ចំណុចដែលខ្ញុំចូលចិត្តបំផុតនៃកម្មវិធីផ្លាស់ប្ដូរការសិក្សាគឺការទទួលបានបទពិសោធពិតៗដូចជាក្មេងដែលរស់នៅសហរដ្ឋអាមេរិកផ្ទាល់។ ខ្ញុំទៅរស់នៅជាមួយគ្រួសារចិញ្ចឹមជនជាតិអាមេរិក ហើយបានបង្កើតមិត្តភាពជាមួយមនុស្សដែលនិយាយភាសាផ្សេងៗគ្នា ហើយជាពិសេស ខ្ញុំបានឃើញព្រិលទឹកកកជាលើកដំបូងនៅក្នុងជីវិតរបស់ខ្ញុំផងដែរ។" -សំអាត រ័ត្នរាជនី